ዶ/ር ኢ/ር ሀብታሙ ኢተፋ የውሃና ኢነርጂ ሚኒስትር ሆነው ተሾሙ።
አዲስ አበባ : መስከረም 28/2019ዓ.ም
ዶ/ር ኢ/ር ሀብታሙ ኢተፋ በውሃ ዘርፍ የረጅም ጊዜ የሙያና የአመራር ልምድ ያካበቱ ሲሆን፣ በዘርፉ የተሻለ አሠራርን ለማስፈን፣ የውሃ ልማትና አገልግሎትን ለማሻሻል እንዲሁም የዘርፉን ተቋማዊ አቅም ለማጠናከር በተለያዩ የሥራ ኃላፊነቶች አስተዋፅዖ አድርገዋል።
በተለይም የውሃ ዘርፍን ከተለምዷዊ አሠራር በማላቀቅ ዘመናዊ፣ ተግባራዊና ውጤት ተኮር ወደ ሆነ አሠራር ለማሸጋገር ያደረጉት ጥረት ከሚጠቀሱ የሥራ ልምዶቻቸው መካከል ይገኛል።
የውሃ ሀብት በሀገሪቱ የልማት ሂደት ያለውን ሚና በማጠናከር፣ የውሃ ልማትና አጠቃቀም ሥራዎች የተቀናጀና ዘላቂ አቅጣጫ እንዲኖራቸው ለማድረግም በርካታ ኃላፊነትን ተወጥተዋል።
የውሃና ኢነርጂ ዘርፎች ከመጠጥ ውሃ ተደራሽነት፣ ከውሃ ሀብት አስተዳደር እስከ የኢነርጂ ልማት፣ የኃይል ተደራሽነትና የኢኮኖሚ እድገት ድረስ በሀገራዊ ልማት ላይ ቀጥተኛ ተፅዕኖ ያላቸው ዘርፎች ናቸው።
በመሆኑም ሚኒስቴሩ የውሃና ኢነርጂ ሀብቶችን በዘላቂነት ለማልማትና በተቀናጀ መልኩ ለማስተዳደር ከፍተኛ ኃላፊነት ይወጣል።
በዚህ ረገድ ዶ/ር ኢ/ር ሀብታሙ ኢተፋ በውሃ ዘርፍ ያካበቱትን ልምድ
ከአመራር ልምዳቸው እና ብቃታቸው ጋር በማስተሳሰር፣ የውሃና ኢነርጂ ዘርፉ እንዲጠናከር የሚያስችል አመራር ለመስጠት ከፍተኛ ኃላፊነት ይጠብቃቸዋል።
በቀጣይም የውሃ ሀብትን በአግባቡ ማልማትና መጠቀም፣ የመጠጥ ውሃ ተደራሽነትን ማስፋፋት፣ የውሃ ሀብት አስተዳደርን ማዘመን፣ የኢነርጂ ልማትንና የኃይል ተደራሽነትን ማስፋፋት ከሚጠበቁ ዋና የሥራ አቅጣጫዎች መካከል ይገኛሉ።
ዶ/ር ኢ/ር ሀብታሙ ኢተፋ በውሃ ዘርፍ ያካበቱትን ልምድ በማስቀጠል በኢነርጂ ዘርፍም በተቀናጀ አመራር እንዲያጠናክሩ እና የሚኒስቴሩን የልማት አቅም የበለጠ እንዲያሳድጉ የሚያስችል አዲስ የኃላፊነት ምዕራፍ ነው።
``
የውሃና ኢነርጂ ሚኒስቴር ለክቡር ዶ/ር ኢ/ር ሀብታሙ ኢተፋ በአዲሱ የሥራ ኃላፊነታቸው ስኬትን ይመኛል።`
ስለተቋማችን ተጨማሪ መረጃዎችን ለማግኘት
ፌስቡክ
https://www.facebook.com/share/127Jeg3ch6p/
ቴሌግራም
http://t.me/mowieethiopia
ዌብሳይት
http://mowe.gov.et
X/ትዊተር
https://x.com/mowe_ethiopia
ዩቱዩብ
https://youtube.com/@ministryofwaterandenergy-e8842?s
ቲክቶክ
tiktok.com/@mowetikto
